ახალგაზრდა იურისტთა ასოციაციის თავმჯდომარე კახა კოჟორიძე პრემიერის განცხადებას ეხმაურება, სადაც ირაკლი ღარიბაშვილმა სამოქალაქო სექტორი ტენდენციურობაში დაადანაშაულა.

კოჟორიძე მიიჩნევს, რომ მსგავსი განცხადებები კონკრეტული გარემოებებით უნდა იყოს გამყარებული.

„პრემიერ-მინისტრის მხრიდან განცხადება, რომ არასამთავრობოები არიან ტენდენციურები და მიკრეძოებულები, ეს არ არის სწორი და გამართლებული ქმედება. ესეთი ფრაზები კონკრეტული გარემოებებით უნდა იყოს გამყარებული, მითუმეტეს მაშინ, როდესაც ამის შესახებ პრემიერ-მინისტრი საუბრობს. საჭიროა მეტი კომუნიკაცია, თუმცა ეს ამ შემთხვევაში ჩვენი ბრალით გამოწვეული პრობლემა ნამდვილად არ არის“, - განაცხადა კოჟორიძემ.

პრემიერ-მინისტრმა სტუდენტებთან შეხევდრის შემდეგ განაცხადა, რომ მედია და სამოქალაქო სექტორი ხშირად ავლენენ ტენდენციურობას და მიკერძოებულობას.

"სამწუხაროდ, მედიის გარდა სამოქალაქო სექტორიც, ხშირად ავლენს ტენდენციურობასა და მიკერძოებულობას. აუცილებელია მთავრობას, სამოქალაქო სექტორსა და მედიას შორის აქტიური კომუნიკაცია, რათა ხარვეზებზე დაუფარავად საუბარი გაიმართოს“, - განაცხადა ღარიბაშვილმა.

ნინი კაციტაძე