არალიბერალმა ოლიგარქმა ივანიშვილმა ობამას ადმინისტრაცია დაამცირა

პოლიტიკა - 13:20, 04 Aug, 2014

4153

„რამდენი საერთაშორისო კრიზისი დაატყდა თავს ბარაკ ობამას ადმინისტრაციას მიმდინარე წლის ზაფხულში - ღაზა, უკრაინა, ერაყი, სირია, ლიბია, ავღანეთი - მცირე , მაგრამ მაინც მნიშვნელოვანი დარტყმები აშშ-ს პოლიტიკისა და პრესტიჟის წინააღმდეგ, რაც რთულია არ შეამჩინიო. ერთერთი მათგანი გასულ კვირას პოსტსაბჭოთა ქვეყანასა და ამერიკის პარტნიორ საქართველოშიც მოხდა.

ბიძინა ივანიშვილი, არალიბერალი ოლიგარქი, რომელიც აკონტროლებს საქართველოს ხელისუფლებას 2012 წლის არჩევნების მოგების შემდეგ, მრავალჯერ გააფრთხილა ობამას ადმინისტრაციამ, არ დააკისროს სამართლებრივი პასუხისმგებლობა საქართველოს ყოფილ პრეზიდენტს მიხეილ სააკაშილს, რომელიც საქართველოში მომხდარ რევოლუციას ლიდერობდა ათწლეულის წინ და რომელმაც მშვიდობიანად გადასცა მმართველობა არჩევნებში დამარცხების შემდეგ. მიუხედავად ამისა, გასულ ორშაბათს ხელისუფლებამ საზოგადოდ დაიწყო მიხეილ სააკაშვილის პოლიტიკური დევნა, ასევე მისი პარტიის ოთხი ლიდერის წინააღმდეგაც.

სააკაშვილი ყველაფრის მიუხედავად არ არის დაკავებული, მაგრამ უკრაინას ახალი სახელისუფლებო მმართველობის ჩამოყალიბებაში ეხმარება. მაგრამ ეს ყოველივე გაცილებით ფართო ტენდენციის ნაწილია. მოკავშირეების ნაწილი, საქართველოს მსგავსი ქვეყნები, რომლებიც ვაშინგტონზე სამხედრო და ეკონომიკის თვალსაზრისით დამოკიდებულნი არიან, ღიად ახდენენ ობამას ადმინისტრაციის კრიტიკას და ცალკეული წევრების მიზანმიმართულ დამცირებასაც კი“, - ნათქვამია სტატიაში.