„საქართველომ აჩვენა, რომ რუსეთთან მხოლოდ კეთილმეზობლური ურთიერთობა უნდა, მაგრამ ამოსავალი ამისა არის ჩვენი ტერიტორიული მთლიანობისა და სუვერენიტეტის აღიარება“, - ამის შესახებ პრეზიდენტმა დღეს მიმდინარე ამბასადორიალზე განაცხადა.

„საქართველო აკეთებს ყველაფერს, რომ რუსეთთან ურთიერთობა მშვიდობიან, კონსტრუქციულ კონტექსტში გადაიტანოს. ჩვენი ძალისხმევა მიმართულია იქითკენ, რომ რეალურად შეიცვალოს პარადიგმა პრივილეგირებული სფეროებისა და რეალუად გადავიდეს ურთიერთობა ეკონომიკური და რეგიონული თანამშრომლობის ჭრილში. ეს პოზიცია აქტიურად უნდა გავაცნოთ პარტნიორებს. საქართველომ აჩვენა ბოლო ორი წლის განმავლობაში, რომ რუსეთთან მხოლოდ კეთილმეზობლური ურთიერთობა უნდა, მაგრამ ამოსავალი ამისა არის ჩვენი ტერიტორიული მთლიანობისა და სუვერენიტეტის აღიარება. აქედან გამომდინარე, მიუხედავად იმისა, რომ უსაფრთხოების სისტმები, რომლებიც ევროპაში მუშაობს და ძალიან აქტიურად ვართ ჩართულნი, როგორც ნატო-ს, ისე ევროკავშირის მისიებში, ჩვენ ჯერ კიდევ არ ვართ ამ სისტემების ნაწილი და ვერ ვსარგებლობთ ბოლომდე ამ სისტემების სერვისით“, - განაცხადა მარგველაშვილმა.

ნინი კაციტაძე