საქართველოს პრემიერ-მინისტრის განცხადებით კონსტიტუციის დღევანდელი მოდელი გადახედვას საჭიროებს. ამის შესახებ ირაკლი ღარიბაშვილმა სასტუმრო "ქორთიარდ მარიოტში" მიმდინარე ამბასადორიალზე სიტყვით გამოსვლისას ისაუბრა. მისი თქმით, განსაკუთრებით საყურადღებოა სასამართლოს დამოუკიდებლობა, მედიის თავისუფლება და სასჯელაღსრულების სისტემაში მიმდინარე რეფორმები.

„ბოლო დროს ნათალად გამოჩნდა, რომ კონსტიტუციის დღევანდელი მოდელი საჭიროებს გადახედვას. სწორედ ამისათვის შეიქმნა სახელმწიფო საკონსტიტუციო კომისია, რომელიც გამოასწორებს დღეს არსებულ ხარვეზებს და ქვეყანას ბოლოს და ბოლოს ექნება კონსტიტუცია, რომელიც ფართო კონსენსუსის გზით იქნება მიღებული.ჩვენ მივაღწევთ იმას, რომ სასამართლოს საქმიანობაში ხელისუფლება აღარ ერევა. შეუდარებელი პროგრესია მედიის თავისუფლების გაზრდის კუთხითაც. ჩვენი ხელისუფლებისთვის პრინციპულად მნიშვნელოვანია მედიის თავისუფლება, ვინაიდან სწორედ თავისუფალი მედია არის ქვეყნის დემოკრატიული განვითარების ერთ-ერთი უმთავრესი საფუძველი", - განაცხადა ღარიბაშვილმა.

ნინო დათაშვილი