რუსი ოლიგარქი მძიმე არჩევნის წინაშე დაგვაყენებს, სამწუხაროდ

რუსი ოლიგარქი მძიმე არჩევნის წინაშე დაგვაყენებს, სამწუხაროდ - ზურაბ ჭიაბერაშვილი

პოლიტიკა - 17:42, 03 Aug, 2014

2204

ბევრი ადამიანისათვის (რომელმაც 2012 წლის 1 ოქტომბერს ხმა კოალიცია "ქართულ ოცნებას" მისცა) რუსი ოლიგარქის, ბიძინა ივანიშვილის მმართველობის პირველ თვეებში რომ გეკითხა, გეტყოდათ: არ მოგვეწონება და ამათაც გადავირჩევთ.

ერთადერთი ოპოზიციური პარტიის ლამის უკვე ორწლიანმა დევნამ, ადგილობრივი არჩევნების დროს ხელისუფლების ქცევამ, საარჩევნო მორატორიუმის დროს გიგი უგულავას, სასამართლოს ნების საწინააღმდეგოდ, დაპატიმრებამ და, საერთაშორისო საზოგადოების არაერთგზის მკაცრი გაფრთხილების მიუხედავად, პრეზიდენტ სააკაშვილის პასუხისგებაში მიცემამ მოსპო ყველანაირი ილუზია, რომ რუსი ოლიგარქი ქართველ ამომრჩევლს ან არჩევანს დაუტოვებს, ან თუ ეს არჩევანი დარჩება (და აუცილებლად დარჩება მისი ყველა მცდელობის მიუხედავად - ზ.ჭ.), ივანიშვილი ხალხის არჩევანს პატივს სცემს.

ჰოდა, ყველაზე საინტერესო ზემოთნახსნები ადამიანების რექაცია იქნება: როცა მოინდომებენ ხელისუფლების შეცვლას და აღმოაჩენენ, რომ რუს ოლიგარქს ყველა წინაწპირობა ხელისუფლების პროცედურული დემოკრატიის ფარგლებში შეცვლისათვის თუ მოსპობილი არა, მინიმუმდე ექნება დაყვანილი.

2013 წლის 7 მარტს ვწერდი: "სამწუხაროდ, არც დამოუკიდებელი სასამართლოს, არც პლურალისტული მედიისა და არც ძლიერი ოპოზიციის არსებობა სამომავლოდ საქართველოში გარანტირებული არაა და მათი დღევანდელი არსებობა ჯერჯერობით არ გამოდგება დასაიმედებლად, რომ ისინი შეაკავებენ ქვეყანაში ისეთ ტენდენციებს, რაც არ პასუხობს ქვეყნის ინტერესებს."

რუსი ოლიგარქი რა სალამურიც იყო, მაშინვე ვხედავდი (და ამიტომაც დავარქვი მაშინ წერილს ასეთი სათაური), მაგრამ არ მინდოდა მაშინ ვინმეს ეფიქრა, რომ ჩასაფრებული კაცის პოზიციიდან ვლაპარაკობდი.

ახლაც ვხედავ და ვამბობ: რუსი ოლიგარქი მძიმე არჩევნის წინაშე დაგვაყენებს. სამწუხაროდ.

იხილეთ ზურაბ ჭიაბერაშვილის წერილი: ,,1 ოქტომბრის არჩევნების პოზიტიური შედეგები"