ექსკლუზივი აზერბაიჯანიდან: ყარაბაღში სამხედრო მოქმედებები დაიწყო, დიდია სომხეთის დანაკარგი

პოლიტიკა - 13:06, 02 Aug, 2014

12505

,,ნიუპოსტს“ აზერბაიჯანიდან ექსკლუზიური ინფორმაცია მოაწოდეს. ჩვენი წყაროს ცნობით, მაშინ როცა სომხეთ-აზერბაიჯანს შორის ომი ფაქტობრივად განახლებულია, სომხური მხარე მათი დანაკარგის შესახებ დუმს. როგორც წყარო აზერბაიჯანის პოლიტიკური წრეებიდან ,,ნიუპოსტთან“ აცხადებს, დიდია სომხეთის არმიის დანაკარგი, რაც წუხანდელი ყარაბაღის შეტაკებების შედეგად მოხდა.

,,წუხანდელი ღამის ჩათვლით, 9 სამხედრო დავკარგთ აზრბაიჯანულმა მხარემ. ფაქტობრივად, საომარი მოქმედებებია. სომხების ვერსიით 14 აზერბაიჯანელია დაღუპული. თუ გავითვალისწინებთ გავრცელებულ ინფორმაციას, რომ 51-მდე ადამიანია დაღუპული მხოლოდ წუხანდელი შეტაკებების შედეგად სომხეთის მხრიდან, მაშინ უკვე შეიძლება ვიფიქროთ, რომ ფრონტზე მსხვილმასშტაბიანი სამხედრო მოქმედებები დაიწყო. ძალიან გაკვირვებული ვარ სომხეთის საინფორმაციო საშუალებების დუმილით, რომლებმაც ნაცვლად მათთვის ჩვეული ისტერიკისა, პირში წყალი ჩაიგუბეს. მაშინ, როცა აზერბაიჯანში გლოვაა დაღუპულების გამო, და ყველამ ვიცით, რომ მიმდინარეობს საომარი მოქმედებები, მაშინ, როცა სომხეთის არმიამ ბევრად მეტი ადამაინი დაკარგა ვიდრე ჩვენ, ვერცერთ ინფორმაციას ვერ იპოვი სომხურ გამოცემებში წუხელ ყარაბაღში შეტაკებების შესახებ. შესაძლოა, ეს მათი დანაკარგის შედეგად გამოწვეული დუმილია“, - ამბობს წყარო.