ორშაბათი თბილისელების მიღების დღედ დაწესდება

ორშაბათი თბილისელების მიღების დღედ დაწესდება - ნარმანიას ინიციატივა

პოლიტიკა - 12:30, 02 Aug, 2014

1396

დავით ნარმანიამ თავისი პირველი სამუშაო დღე დაიწყო თბილისის მერიაში. ის დღეს მერიის ადმინისტრაციასთან შეხვედრას გეგმავს, ნარმანია დღესვე წარადგენს თბილისის მერის მოადგილეებს და სამსახურის უფროსებს. ერთ-ერთი მთავარი ცვლილება შეეხება ორშაბათ დღეს - დავით ნარმაიას ინიციატივით ორშაბათი დაწესდება თბილისელთა მიღების დღედ. მოქალაქეებს შესაძლებლობა ექნებათ შეხვდნენ როგორც თბილისის მერს, ასევე მის მოადგილეებს და საქალაქო სამსახურის უფროსებს. ნარმანიამ რეგიონული განვითარების სამინისტროდან საკუთარი ნივთები მოიტანა და ამ ნივთების სიმბოლურ მნიშვნელობასთან დაკავშირებით მცირე განმარტება გააკეთა. დედაქალაქის ახალმა მერმა ინფრასტრუქტურის სამინისტროდან სპეციალური ქუდი და ტრაქტორის მინი მოდელი წამოიღო, რაც მისი თქმით, წარმატებული მუშაობის სიმბოლოა. ნარმანიას მერიის შესასვლელში მოქალაქეთა ნაწილი დახვდა, რომლებმაც მას სიმბოლურად აკვანი გადასცეს.

,,მინდა მადლობა გადაუხადო თითოეულ ამომრჩევლეს, რომელმაც ნდობა გამოუცხადა ჩვენს გუნდს და მოგვცა საშუალება ის პროგრამა, რომელიც შევიმუშავეთ, რეალობად ვაქციოთ. მე მინდა ვუთხრა მათ, რომ ჩვენ ვიქნებით 24 საათიან სამუშაო რეჟიმში მომდევნო კვირიდან, მე მათ დავპირდი, რომ პირველივე დღიდან ხელს მოვაწერდი მოქალაქეთა მიღების წესს და მინდა აღვნიშნო, რომ ყოველი ორშაბათი იქნება თბილისის მერთან, მის მოადგილეებთან, რაიონის გამგებლებთან, საქალაქო სამსახურის ხელმძღვანელებთან მიღების დღე“, - განაცხადა ნარმანიამ.

დღეს 14:00 საათზე დავით ნარმანია წარადგნეს თბილისი მერის მოადგილეებს, საქალაქო სამსახურის უფროსებს.