ერეკლე კუდუას დაღლილი ოფიციანტივით შეკვეთები აერია

ერეკლე კუდუას დაღლილი ოფიციანტივით შეკვეთები აერია - გოგა ხაინდრავა

პოლიტიკა - 22:03, 01 Aug, 2014

3418

შიზოფრენიას უწოდებს გოგა ხაინდრავა სოდის ყოფილი უფროსის ერეკლე კოდუას განცხადებას იმის შესახებ, რომ ბადრი პატარკაციშვილმა მას გოგა ხაინდრავას მოკვლა დაავალა.

,,ეს არის სრული შიზოფრენია. მე მესმის რომ ეხლა ყველაზე მეტად ბადრის დედა ნერვიულობს და მინდა მივმართო და ვუთხრა, რომ არ ინერვიულო ნათელა დეიდა, ყველაფერი კარგად არის, სანერვიულო ვისაც აქვს ემჩნევა. მე ამაზე დაღლილი ოფიციანტი მაგონდება, შეკვეთა რომ აერევა. ერეკლე კოდუას შეკვეთები აერია, იმდენ შეკვეთას აძლევდა მერაბიშვილი და სააკაშვილი, რომ მათი შეკვეთა ბადრის დააბრალა. მერაბიშვილი და სააკაშვილი რომ ჩემს ლიკვიდაციას ისურვებდა და უკვეთავდა ეჭვი არ მეპარება, ქვეყანას შიზოფრენიკები მართავდნენ, ეს უფრო გართულდა დღეს რადგან ესმით, რომ მოვიდა დრო, როცა უნდა აგონ უამრავ დანაშაულზე, მკველობებზე, ძარცვაზე, ორგანიზებულ ნარკოტრაფიკზე პასუხი, ეს არის სააკშვილის პირდაპირი დირექტივა, რომელიც არასოდეს იყო თავის მატორზე და ეხლა წარმომდიგენია, რა დღეშია“, - განაცხადა ხაინდრავამ ,,მაესტროს“ ეთერში.

ის, თუ რაში ჭირდებოდა ყოფილ ხელისუფლებას ამის გავრცელება, ხაინდრავა პასუხობს:

,,რაში ჭირდებოდა, როცა ოლიმპიადის გახსნის დღეს ცეცხლი გაუხსნეს საკუთარ ქალაქს ცხინვალს, რაში ჭირდებოდათ აგვისტოს ომი, 7 ნოემბერი, 26 მაისი, გირგვლიანის მკვლელობა და ის უამრავი სიგიჟე, როელიც თავს დაატეხეს ქვეყანას, ესენი არიან მძიმედ დაავადებული ადამიანები, რომლებსაც მკურნალობა სჭირდებათ. მათ ჰქონდათ გზები საავადმყოფოში წასულიყვნენ, მაგრამ ეხლა ციხეში წავლენ“, - განაცხადა გოგა ხაინდრავამ.