უშიშროების საბჭოს მდივნის ირინა იმერლიშვილის ინფორმაციით, საქართველო-აზერბაიჯანის საზღვარზე არსებული შეზღუდვა გუშინ ბაქოში მომხდარ ინციდენტს არ უკავშირდება. მისი თქმით, შეზღუდვა განხორციელდა მხოლოდ იმ ავტომობილებზე, რომლებიც აზერბაიჯანში მიღებულ კანონს არ შეესაბამება.

„შსს-ს სასაზღვრო დეპარტამენტის ინფორმაციით საზღვარი ჩაიკეტა იმ მანქანისთვის, რომელიც არ შეესაბამება კანონმედებლობას, რომელიც აზერბაიჯანში მიიღეს. სხვა არანაირი შეზღუდვა არ არსებობს. ეს კანონი კარგა ხანია მიღებულია და ეს შეზღუდვაც დაანონსებული იყო“, - აღნიშნა იმერლიშვილმა.

ცოტა ხნის წინ გავრცელდა ინფორმაცია, რომ აზერბაიჯანულმა მხარემ საქართველო-აზერბაიჯანის საზღვრის ლაგოდეხის მონაკვეთზე საქართველოს მოქალაქეებისთვის მოძრაობა შეიზღუდა.

გავრცელებული ინფორმაციით, აღნიშნული შეზღუდვა ბაქოში, გუშინ, მომხდარ ინციდენტს უკავშირებდოდა.

ნინი კაციტაძე