საქართველოს თავდაცვის ყოფილი მინისტრის განცხადებით აზერბაიჯანთან მომხდარი ინციდენტი გარკვეული კანონზომიერების სახეს იღებს, ეს კი შესაძლოა საქართველოსთვის დამღუპველი აღმოჩნდეს.

როგორც დიმიტრი შაშკინმა „ნიუპოსტთან“ საუბრისას განაცხადა, ისტორიამ იცის ბევრი ისეთი პრობლემები, რომლებიც „მსგავსი ხულიგნობით წარმოქმნილა“:

„ეს ძალიან სამწუხარო ინციდენტია და უფრო სამწუხაროა ის, რომ ეს არ არის პირველი და როგორც ჩანს არ იქნება ბოლო, როდესაც პირველად ხდება, ეს არის შემთხვევითობა, მეორე ტენდენცია, მაგრამ როცა განმეორდება, ეს რაღაც კანონზომიერებაზე საუბრობს, როცა ეს ეხება ერთი და იმავე ხალხსა და გუნდს, სამწუხაროა, რომ ეს ფაქტები ხდება უმნიშვნელოვანეს მეზობლებთან დაკავშირებით, ამას არ განვიხილავ მხოლოდ სპორტის ჭრილში, ყველას კარგად ესმის, რომ ფეხბურთი, ეს არის პოლიტიკის ნაწილი, როდესაც კანონზომიერად შეურაცხყოფას აყენებენ ჯერ თურქებს, შემდეგ აზერბაიჯანლებს, ეს არის დასაფიქრებელი.

ისტორიამ იცის, ბევრად უფრო მსხვილი პრობლემები, რომლებიც იწყებოდა რაღაც მსგავსი ხულიგნობით. როგროც მინიმუმ, ფეხბურთის ფედერაციამ და განსაკუთრებით სამინისტრომ თავისი პოზიცია უნდა დააფიქსიროს და არა ისე, როგორც მინისტრმა განაცხადა დღეს, რომ ეს პრობლემა კარგად გადაწყდება. ეს არ არის მინისტრის პოზიცია, ასეთი გამონათქვამები არ ეკადრება მას.

ვისაც ოდნავ აქვს შეხება ფეხბურთთან, ფანკლუბები მუდმივად არიან მჭიდრო კონტაქტში გუნდთან. ფაქტია, რომ იყო პროვოკაცია ჩვენი უახლოესი მეგობრის წინააღმდეგ. სამწუხაროა, რომ ზუსტად ასეთივე პროვოკაცია ჩაიდინა ფეხბურთელმა, ეს უკვე კანონზომიერებისკენ მიუთითებს“, - განაცხადა დიმიტრი შაშკინმა.