აბაშიძე: "რუსეთთან ვივაჭრებთ ისე, როგორც ყველა ვაჭრობს“

პოლიტიკა - 14:21, 01 Aug, 2014

1626

"რუსეთთან ვივაჭრებთ ისე, როგორც ყველა ვაჭრობს“ - ამის შესახებ განცხადება პრემიერ-მინისტრის რუსეთთან ურთიერთობის სპეციალურმა წარმომადგენლმა ზურაბ აბაშიძემ გაკეთა დ აღნიშნა, რომ გრიგორი კარასინთან თავისუფალი სავაჭრო რეჟიმის შეწყვეტაზე საუბარი გუშინ ჰქონდა.

აბაშიძის ინფორმაციით, ჯერჯერობით უცნობია, რა ვადებში გეგმავს რუსეთი ამ შეთანხმების შეწყვეტას.

ზურაბ აბაშიძე იმასაც აღნიშნავს, რომ რომ რუსულ მხარესთან კონსულტაციები იქნება და უახლოეს პერიოდში გაირკვევა, თუ როგორ გეგმავს რუსეთი სამართლებრივი თვალსაზრისით ამ შეთანხმების შეჩერებას.

„აქ საუბარია 1994 წლის თავისუფალი სავაჭრო რეჟიმის შეჩერებაზე. გვექნება კონსულტაციები და შევეცდებით გავარკვიოთ, როგორ ფიქრობს რუსეთის მხარე, უპირველესად სამართლებრივი თვალსაზრისით, ასევე რა ვადაში, ამ შეთანხმების შეწყვეტას. კონტაქტი გვქონდა, უკვე ვესაუბრე ჩემს რუს კოლეგას და ალბათ, ახლო მომავალში იქნება სრული წარმოდგენა რა და როგორ იქნება. კიდევ ერთხელ ვიმეორებ, განსაკუთრებული ნამდვილად არაფერია. თუკი რაღაც პრობლემა იქნება ჩვენი კომპანიებისთვის, ვეცდებით ამის მინიმალიზირება მოხდეს, ამას ჩვენი ევროპელი პარტნიორები გაგებით ეკიდებიან. საერთო ჯამში, არმგონია, რომ ამან ჩვენი ვაჭრობა სერიოზულად დააზიანოს“, - აღნიშნა აბაშიძემ.

მისივე განცხადებით, ის ქვეყნები, ვინც საბაჟო კავშირში რჩებიან, რუსეთი მათთვის თავისუფალ სავაჭრო რეჟიმს შეინარჩუნებს.

„ყველა სხვა ქვეყნისთვის კი ვაჭრობა იქნება მსოფლიოს სავაჭრო ორგანიზაციის წესებისა და რეგულაციების მიხედვით. ასე რომ, რუსეთთან ვივაჭრებთ ისე, როგორც ყველა ვაჭრობს“, - განაცხადა აბაშიძემ ჟურნალისტებთან საუბრისას.

ნინა შადური