უმრავლესობის წევრი ზაქარია ქუცნაშვილი მიიჩნევს, რომ გუშინ ბაქოში მომხდარი ინციდენტის გამო საქართველოსა და აზერბაიჯანს შორის ურთიერთობა არ გაფუჭდება. როგორც ქუცანიშვილმა "ნიუპოსტს" განუცხადა, ქართველი გულშემატკივრების მიერ გამოფენილი რუქა გამაღიზიანებელი აღმოჩნდა აზერბაიჯანელი გულშემატკივრისათვის, რის გამოც კონფლიქტი მოხდა.

„თურქეთში მოხდა უხამსი ფორმით ემოციების გამოხატვა და ამან თურქი გულშემატკივრის გაღიზიანება გამოიწვია. ეხლა ვიღაცამ რუქა ააფრიალა და ამან კონფლიქტი გამოიწვია. მიმაჩნია, რომ აქედან შორს მიმავალი დასკვების გაკეთება არ შეიძლება. თუმცა ქართველი გულშემატკივრების მხრიდან რუქის გამოფენა, რომ გამაღიზიანებელი არ ყოფილიყო, ამას კონფლიქტი არ მოჰყვებოდა. რაც შეეხება იმას იყო თუ არა პროვოკაცია, ამას მე ვერ გეტყვით რადგან არ ვარ გამომძიებელი. ის, რომ ამ ფაქტით საქართველო-აზერბაიჯანის ურთიერთობა გაფუჭრდება, არამგონია ასე მოხდეს“, - განაცხადა ქუცნაშვილმა.

ბაქოში გუშინ გამართული „ნეფთჩისა“ და „ჩიხურას“ მატჩის შემდეგ გუნდის ქომაგებს შორის ფიზიკური დაპირისპირება მოხდა. ინციდენტის შედეგად დააკავეს 10 ქართველი გულშემატკივარი, მათგან 3 "ქომაგების" წევრი.