ვიცე-პრემიერი კახი კალაძე ტელეკომპანია „რუსთავი 2“-თან დაკავშირებით კიდევ ერთ განცხადებას აკეთებს. როგორც კალაძემ „კავკასიის“ ეთერში განაცხადა „რუსთავი 2“-ს პრობლემას არავინ შეუქმნის და ის თავად შეიქმნის პრობლემას. თუმცა რა იგულისხმა ენერგეტიკის მინისტრმა ამ განცხადებაში, არ დაუკონკრეტებია.

მისივე თქმით ტელეკომპანიის მფლობელებთან დაკავშირებით არსებობს კითხვები და ამ საკითხზე გამოძიება უკვე დაწყებულია.

„რუსთვი 2“ არის მხარე. მას პრობლემას არავინ შეუქმნის, პრობლემას ისინი თავად შეიქმნიან. „რუსთავი 2“-თან დაკავშირებით არის შეტანილი სარჩელი პროკურატურაში და მიმდინარეობს გამოძიება. კონკრეტულ ადამიანებს ჩამოართვეს ეს ტელევიზია და ამის ერთ-ერთ ავტორი გახლავთ მიხეილ სააკაშვილი. შეიძლება ზოგიერთი ადამიანების მხრიდან, ალბათ „ნაციონალური მოძრაობის“ სექტის წარმომადგენლების მხრიდან ეს აღქმული იქნეს მუქარად, მაგრამ ეს არის რეალობა“, - განაცხადა კალაძემ.

ნინი კაციტაძე