,,რა ჩემ ფეხებად გინდა ბებერი პროკურორები, თუ ადამიანის დაჭერა გინდა დაადე ბორკილები...“

პოლიტიკა - 12:19, 01 Aug, 2014

2687

„სახალხო კრების“ წევრი ლაშა ამირეჯიბი საქართველოში უცხოელი პროკურორების ჩამოყვანის ფაქტს ეხმაურება. ამირეჯიბი ამის შესახებ „ალიასთან“ საუბრობს:

„რაც შეეხება ჩამოყვანილ პროკურორებს, ესენი არიან მოხუცები, საქმე აღარ აქვთ და ჩვენმა ხელისუფლებამ გაათამაშა ძალიან საინტერესო კარტი. ამათ უხდიან ფულს იმაში, რომ უნდა გამოიძიონ მძიმე საქმეები, მაგრამ არა მგონია, ამდენი შეძლონ, ბოლოს და ბოლოს, მათ ენაც კი არ იციან.

მიშამ საქართველოში 1000 მასწავლებელი რომ ჩამოიყვანა, სკოლებში გაანაწილა და ბავშვებს ინგლისურის მაგივრად სულ სხვა რაღაცები ასწავლეს? მე მეშინია, პროკურორების ჩამოყვანაც იგივე კამპანიას არ დაემსგავსოს.

სააკაშვილი გამოვიდა ტელევიზიით და განაცხადა: მე გავეცი ბრძანება, რომ აფრასიძეები ამოეხოცათო. დამთავრდა, რა ჩემ ფეხებად გინდა ბებერი პროკურორები, დაადე ბორკილები და ეს ვიდეოჩანაწერი აჩვენე მთელ მსოფლიოს. თუ შენ ადამიანის დაჭერა გინდა, აგერ გაქვს დოკუმენტი! მეც ეგ მანერვიულებს, რომ სააკაშვილის დაჭერა შეგვეძლო და გავუშვით, ახლა ველოდებით, რას იტყვიან დასავლეთში. კი, ბატონო, ვისხდეთ და ველოდოთ!“, - აცხადებს ამირეჯიბი.