ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი რუსეთის მიერ 1994 წელს საქართველოსთან გაფორმებული ხელშეკრულების, თავისუფელი ვაჭრობის შესახებ, გაუქმების საკითხს ეხმაურება:

„ამის დრამატიზება ნამდვილად არ ღირს. გუშინ ვიხილე ცალკეული სპეკულაციები იმის თაობაზე, რომ ეს იყო მოსალოდნელი და ხელისუფლება ამისთვის არ იყო მზად. ყველაფერი ჩვენს მიერ იყო, რა თქმა უნდა, დათვლილი, გაანგარიშებული. მინდა ერთი რამ ვთქვა - მთავარი შედეგი მიღწეულია, დეესკალაცია არის ჩვენს რეგიონში, საუბარი მიდის ნორმალურ რეჟიმში მსოფლიო სავაჭრო ორგანიზაციის ფარგლებში სავაჭრო ურთიერთობების გაგრძელებაზე. შეიძლება ცალკეულ პროდუქციას შეეხოს ეს უშუალოდ, მაგრამ ზოგადად, არაფერი დრამატული და ტრაგიკული არ მომხდარა, ხელისუფლებაც მზად იყო ამისთვის და საერთაშორისო თანამეგობრობასთანაც ინტენსიური მუშაობა მიმდინარეობდა, კონკრეტულად კი -ევროკავშირთან“, - განაცხადა პეტრიაშვილმა.