რუსეთის ფედერაციის მიერ მიღებულ გადაწყვეტილებას საქართველოსთან 1994 წელს გაფორმებული ხელშეკრულების გაუქმების შესახებ, თავისუფალ ვაჭრობასთან დაკავშირებით რუსი ექსპერტები ეხმაურებიან. „მოამბესთან“ საუბრისას მათ განაცხადეს, რომ რუსეთის მთავრობის მიერ მიღებული დადგენილება შესაძლოა სწორედ ის ადეკვატური პასუხი იყოს, რომლითაც საქართველოს მიერ ევროკავშირთან ასოცირების ხელმოწერის შემთხვევაში სერგეი ლავროვი იმუქრებოდა.

„ეს გადაწყვეტილება ადეკვატური პასუხია, საუბარია სუფთა ტექნიკურ გადაწყვეტილებაზე. პოლიტიკური მხარე ამ საკითხში ზუსტად იმ დოზით ფიგურირებს, რა დოზითაც მას საქართველოს ხელისუფლება შეიტანს. გასაგებია, რომ საქართველომ უკრაინასთან და მოლდოვასთან ერთად დიდი ხნის ოცნება შეისრულა და ევროკავშირთან ასოცირებას მიაღწია, მაგრამ სამწუხაროდ, პოლიტიკოსებმა უნდა გაიგონ, რომ კონკრეტულ ქმედებებს კონკრეტული შედეგები მოყვება. რუსეთი ვერ დაუშვებს საკუთარ ტერიტორიაზე უხარისხო, ევროპული ან ევროპულად გასაღებული ჩინური პროდუქციის შეტანას და ამით საკუთარი მეწარმეებისთვის ზარალის მიყენებას, ამიტომ თავისუფალი ვაჭრობის შეჩერება ტექნიკური საკითხია“, - აცხადებენ ექსპერტები.

ანო თორელი