მესტიაში ტრაგიკულად დაღუპული სასტუმრო „თეთნულდის“ დირექტორის თეზო ჯაფარიძის შვილი მამას „ფეისბუქის“ საშუალებით ემშვიდობება.

„არ ვიცი რა ვთქვა, შენ იყავი, ხარ და მუდამ იქნები მშოფლიოში საუკეთეო მამა, საუკეთესო ადამიანი! ვიცი, რომ შენ სულ ჩემთან იქნები! ჩემს გულში! უზომოდ მიყვარხარ! ძალიან მაგარი მამახარ და მადლობა ყველაფრისთვის! ვგიჟდები შენს სიცილზე, თვალებზე, ყველაფერზე, ყველაზე მაგარი სიცილი გაქვს. ყოველთვის მინდოდა შენნაირი სიცილი! ვამაყობ, რომ მამაჩემი ხარ! ყველაზე მეტად მიხარია, რომ ეხლა კარგად ხარ და ამის შემდეგ მუდამ ჩემთან იქნები და ყოველთვის დამიცავ ყველაფერში გვერდში დამიდგები. მე მესმის, რომ ეს ღმერთის ნებაა და ესე იყო საჭირო. ამ, არვიცი რა ვთქვა, ყველაზე მაგარი მამა ხარ! მადლობა ყველაფრისთვის!“, - წერს თეზო ჯაფარიძის გოგონა.

მესტიაში ტრაგიკული შემთხვევის შედეგად სასტუმრო „თეთნულდის“ დირექტორთან ერთად შსს-ს ადმინისტრაციის უფროსი ეკატერინე კერესელიძე გარდაიცვალა.

შეგახსენებთ, სასტუმრო "თეთნულდის" მეპატრონე თეზო ჯაფარიძე ხრამში გადავარდა. არსებული ინფორმაციით, კერესელიძე და ჯაფარიძე კვადროციკლით სეირნობდნენ, რა დროსაც ხევში გადაიჩეხნენ.

ნინი კაციტაძე