ყოფილი გუბერნატორები ვასილ მაღლაფერიძის მიერ გამოქვეყნებულ ჩანაწერებს ეხმაურებიან, სადაც 2007 წლის 4 ნოემბერს ვანო მერაბიშვილის კაბინეტში გამართულ თათბირზეა საუბარი. ქვემო ქართლი ყოფილი გუბერნატორი ზურაბ მელიქიშვილი მაღლაფერიძის განცხადებას აბსურდულს უწოდებს.

„არც ეგ დღე არ მახსოვს აქედან გამომდინარე ეს არის ჩვეულებრივი პოლიტიკური ანგარიშწორება. მათ მუდმივად აქვთ მცდელობა, რომ ოპონენტები დააშანტაჟონ და აბსურდული ბრალდებები დააბრალონ...“, - აცხადებს მელიქიშვილი.

მაღალფერიძის მიერ გავრცელებულ განცხადებას „სისულელე“ უწოდებს შიდა ქართლის ყოფილი გუბერნატორი ლადო გეგელაშვილიც.

„მსგავსი არაფერი არ მახსოვს და შემიძლია ნებისმიერ დროს ვთქვა, რომ მსგავს თათბირზე არასდროს არ ვყოფილვარ, სრული სისულელეა“, - განაცხადა გეგელაშვილმა.

მცხეთა-მთიანეთის ყოფილმა გუბერნატორი ვასილ მაღლაფერიძე 2007 წლის 5 ნოემბერს გაკეთებულ ჩანაწერს აქვეყნებს. მაღლაფერიძე 4 ნოემბერს, მაშინდელი შინაგან საქმეთა მინისტრის ვანო მერაბიშვილის კაბინეტში გამართული თათბირის დეტალებს იხსენებს.

მაღლაფერიძემ ჩანაწერი ინტერნეტგამოცემა „ლიბერალს“ მიაწოდა.

„...დაიწყო ვანომ, ორ საკითხთან დაკავშირებით მინდა თქვენთან საუბარიო. ეს ნაძირლები ძალიან გაბლატავდნენ, ორ დღეში მოინდომეს იმის წაღება, რისთვისაც ჩვენ ოთხი წელი ვიბრძოდით. მართალია, დიდი არაფერი ძალა არა აქვთ, მაგრამ აუცილებელია პრევენციული ზომების მიღება. კაცმა რომ თქვას, რაიონებიდან მართლაც არ ჩამოსულა ბევრი ხალხი, მაგრამ ვინც ჩამოვიდა ან აწი ჩამოვა, ყველას უნდა მიხედვა. უკვე დავალებული აქვს კონსტიტუციურს, მაგრამ თქვენც აქტიურად უნდა ჩაერთოდ ამ პროცესში, შეადგინეთ სიები ყველა მიტინგზე ჩამომსვლელის, შეუშვით თქვენი ხალხი მიტინგზე, არც არცერთი ადამიანი არ უნდა ჩავიდეს უკან გაულახავი. არა სახალხოდ, სათითაოდ. მაგალითად გურიიდან ან ზუგდიდიდან ჩამოსული ადამიანს უკან გზაზე გააჩერებენ მაგალითად ქუთაისთან და დაუნგრევენ თირკმელებს. გენერალური პროკურორი აგერ არის და გვაძლევს ნებართვას (სიცილით!)...“ - წერს მაღლაფერიძე.

ნინი კაციტაძე