კულტურის სამინისტროში საკადრო ცვლილებები განხორციელდა. ყოფილი მინისტრის მანანა ბერიკაშვილი და ბადრი ბაგრატიონ გრუზინსკი მინისტრის მოადგილის თანამდებობიდან გაათავისუფლდნენ. კულტურის მინისტრის მიხეილ გიორგაძის თქმით, მას ბერიკაშვილის და გრუზინსკის მიმართ პრეტენზიები არ ჰქონია და „ეს უბრალოდ გლობალური ცვლილებაა“.

"არავისთვის საიდუმლო არ იყო, რომ ჩემი გუნდით ვაპირებდი მოსვლას. ცხადია როდესაც ასეთი ცვლილება ხდება უწყებაში მოლოდინი არის ახალი გუნდის. ბატონ ბადრისთან არავითარი პრეტენზია არ მაქვს, ეს უფრო გლობარული და სტრუქტურული ცვლილებაა, ვიდრე რაიმე კონკრეტული პრეტენზია“, - განაცხადა გიორგაძე.

ამავდროულად ვრცელდება ინფორმაცია, რომ კულტურის მინისტრის პირველ მოადგილედ „ისთერნ პრომოუშენის“ მარკეტინგის დირექტორი კახა კანდელაკი დაინიშნოს.

თავად კანდელაკი „კურიერთან“ საუბრისას აცხადებს, რომ შეთავაზების შემთხვევაში მზად არის, მინისტრის მოადგილის თანამდებობას დასთანხმდეს.

ნინი კაციტაძე