„კაზანტიპთან“ დაკავშირებით აჟიოტაჟი და ხმაური გრძელდება. ამ ფესტივალის საწინააღმდეგო აქციები და დაპირისპირება ყოველდღიურ განხილვის საგნადაც იქცა. ბევრი მომხრეა, ბევრიც წინააღმდეგი, არიან „ნეიტრალებიც“... განსაკუთრებულ ინტერესს კი იმ სასულიერო პირის მოსაზრებები იწვევს, რომელსაც სოციალურ სივრცეში უმეტესობა პროგრესულ მოაზროვნედ მიიჩნევს. „ნიუპოსტი“ მღვდელმონაზონ ილია ვაშაკიძის რამდენიმე სტატუსს გთავაზობთ.

„ფიცი მწამს, ბოლო მაკვირვებსო“

„სრულიად ვეთანხმები საქართველოს საპატრიარქოს განცხადებას "კაზანტიპთან" დაკავშირებით, მაგრამ პარალელურად, სიონის საკათედრო ტაძარსა და საპატრიარქოს შორის კაზინოს რომ დაინახავს ადამიანი, ის თუ ადეკვატურია გარე სამყაროსთან, უნებლიედ გაახსენდება ერთი ქართული ანდაზა: "ფიცი მწამს, ბოლო მაკვირვებსო".

„ამას ყველაფერს თუ მოვუვლით, კაზანტიპიც აღარ იქნება“

საქართველოში სასტუმროები არის? არის! კაზინოები არის? არის! ღამის კლუბები და სტრიპტიზ კლუბები არის? არის! სხვადასხვა მუსიკის ფესტივალები ტარდება? ტარდება! უკანონოდ დაბადებულ და მიტოვებულ ბავშვთა რაოდენობა მატულობს? მატულობს! უმისამართოდ და დაუსაბუთებლად კვეთებულები იკითხება? იკითხება! თომა "სალოსი" ბოგინობს თავისი კვეთებულებით? ბოგინობს! აბა სხვა კი არაფერია კაზანტიპი. ამას ყველაფერს თუ მოვუვლით, კაზანტიპიც აღარ იქნება.

„ჯერ რაც გაუკაზანტიპებულია საქართველოში იმას მივხედოთ“

რა კაზანტიპი, რის კაზანტიპი??? რა ატმი კურკი ტოლა, რა ჭერამი კურკი ტოლა??? ჯერ რაც გაუკაზანტიპებულია საქართველოში იმას მივხედოთ. კაზანტიპი 10 დღე იქნება და წავა და მთელი დიიიიიდი კაზანტიპი რომ გვრჩება აქ მოსავლელი, იმას მივხედოთ.

„თუ არ გინდა კაზანტიპი“

„თუ არ გინდა კაზანტიპი, უნდა იყო კაი ტიპი. უნდა დაივიწყო ჯიპი და დააგდო ცოტა ღიპი.“