თეა სიჭინავა: მეც მაინტერესებს, ვინ გასცა ,,იმედის" დარბევის ბრძანება

პოლიტიკა - 14:10, 29 Jul, 2014

4111

საქართველოს ექს-პრეზიდენტის მიხეილ სააკაშვილის საქმეზე ტელეკომპანია „იმედის“ ყოფილი ჟურნალისტებიც დაიკითხნენ. თეა სიჭინავას ინფორმაციით, მან პროკურატურას, 2007 წლის 7 ნოემბერს, ტელეკომპანია „იმედში“ სპეცრაზმის შესვლასთან დაკავშირებით ინფორმაცია მიაწოდა.

„ჩვენი ტელევიზიის დარბევა მოხდა მანამ, სანამ გამოცხადდებოდა საგანგებო მდგომარეობა. მას შემდეგ რაც ტელევიზია დაარბიეს და ჟურნალისტები გარეთ გამოყარეს, ამის შემდეგ პრემიერმა ნოღაიდელმა გამოაცხადა საგანგებო მდგომარეობა. ვიმეორებ, რომ ამ მაქვს კონკრეტული პასუხი იმასთან დაკავშირებით თუ ვინ გასცა ტელეკომპანია „იმედის“ დარბევაზე ბრძანება. თუმცა თუ საუაბრია დანაშაულზე, ნამდვილად მაინცტერესებს, ვინ გასცა ბრძანება“, - განაცხადა სიჭინავამ.

ამავე საქმეზე დაიკითხნენ ჟურნალისტები - სოფო მოსიძე, ეკა სოსელია, დიანა ტრაპაიძე, ლევან ჯავახიშვილი და სხვები.

მიხეილ სააკაშვილი ბრალდებულის სახით სისხლის სამართლის პასუხისგებაში გუშინ მიეცა. საქმე ეხება 2007 წლის 7 ნოემბერს მომიტინგეთა დარბევას, ტელეკომპანია "იმედში" შეჭრას და არკადი პატარკაციშვილის ქონების დანაშაულებრივად ხელში ჩაგდებას. სააკშვილთან ერთად ბრალდებულები არიან ვანო მერაბიშვილ, დავით კეზერაშვილი და გიგი უგულავა.