„პოლიტიკური შურისძიება პოსტსაბჭოთა ქვეყნის იშვიათ წარმატებას საფრთხეს უქმნის“, - ამ შინაარსის სტატიას აქვეყნებს The Wall Street Journal, რომელიც საქართველოს ყოფილი პრეზიდენტისთვის ბრალის წარდგენას ეხმაურება.

წერილში საუბარია იმაზე, რომ მიხეილ სააკაშვილის მემკვიდრეები, მის მონაპოვარს ანადგურებენ. რადგან ხელისუფლებაში მოსვლის შემდეგ მილიარდერი ბიძინა ივანიშვილის მიერ დაფუძნებულმა „ქართულმა ოცნებამ“ მიხეილ სააკაშვილის მოკავშირეების წინააღმდეგ სისხლის სამართლის საქმეები აღძრა. გუშინ კი ბრალი წაუყენა თავად ყოფილ პრეზიდენტს, რაც აშკარა პოლიტიკური შურისძიებაა.

ამის მტკიცებულებად სტატიის ავტორს გიგი უგულავას დაკავების ფაქტი მოჰყავს და წერს, რომ დასავლეთს თბილისზე გავლენა აქვს და ეს გამოყენებული უნდა იყოს.