,,რა დროს ,,იუკოსის“ ფულია, მალე ევროპაში ომი იფეთქებს..."

პოლიტიკა - 12:52, 29 Jul, 2014

3586

ჰააგის სასამართლომ დაადგინა, რომ რუსეთმა დაარღვია ენერგეტიკის ქარტია და მოახდინა საგადასახადო საქმის ინიცირება იუკოსის წინააღმდეგ, მისი გაკოტრებისა და შემდგომი დაუფლების მიზნით.

რუსეთის ფედერაციას აქვს ათი დღის ვადა, შეეცადოს გადაწყვეტილების შეცვლას და თუ ეს არ მოხდება, 50 მილიარდი დოლარის გადახდის დაწყება რუსეთს მოუწევს 15 იანვრიდან. თუმცა,,Financial Times“-ის წყარო, რომელიც პუტინთან დაახლოებულია, აცხადებს, რომ უკრაინაში შექმნილი სიტუაციის გამო ამ გეოპოლიტიკური გართულების ფონზე, გადაწყვეტილება იუკოსთან დაკავშირებით არაფერს არ ნიშნავს.

,,იფეთქებს ომი ევროპაში და თქვენ ფიქრობთ, რომ იუკოსის 50 მილიარდი დოლარი ვინმეს აინტერესებს?“, - ასეთი კომენტარი გააკეთა მან ჰააგის სასამართლოს გდაწყვეტილებაზე.

იუკოსის ყოფილმა აქციონერებმა 28 ივლისს საზეიმოდ აღნიშნეს რუსეთის წინააღმდეგ ჰააგის სასამართლოში გამარჯვება და ისინი მზად არიან, საჭიროების შემთხვევაში წავიდნენ დათმობებზე დამარცხებულ მხარესთან. ვაჭრობა შესაძლებელია თუ რუსეთი გადახედავს სისხლის სამართლის საქმეს იუკოსის თანამშრომლების წინააღმდეგ, - განუცხადა ,,Forbes“ -ს კომპანიის ყოფილმა აქციონერმა ლეონიდ ნევზლინმა.