პარტია „ერთიან ნაციონალურ მოძრაობაში“ განცხადებებს პოლიტიკურ ანგარისწორებაზე აკეთებენ. მიხეილ სააკაშვილის და კიდევ 4 ყოფილი მაღალჩინოსნისთვის ბრალის წარდგენა, მათი შეფასებით ოპონენტთა წინააღმდეგ დაწყებული შურისძიების გაგრძელებაა.

„ერთი რუსი ოლიგარქის მიერ სახელმწიფო გადატრიალების მცდელობას, რომელიც მაშინ სახელმწიფომ წარმატებით აღკვეთა, დღეს მეორე რუსი ოლიგრაქი პასუხობს იმით, რომ აბსოლუტურად პოლიტიკური რევანშით არის დაკავებული, სწორედ იმ პოლიტიკური გუნდის მიმართ ვინც საქართველო, მთლიანად ვერა, მაგრამ ნაწილობრივ მაინც სამშვიდობოს გაიყვანა“,- განაცხდა ზურაბ ჭიაბერაშვილმა.

პარტიის ერთ-ერთი ლიდერის ნუგზარ წიკლაურის განცხადებით, ბიძინა ივანიშვილს პოლიტიკური პროცესების ფორსირება აქვს გადაწყვეტილი.

„ეს სინამდვილეში არის მხოლოდ და მხოლოდ პოლიტიკური ვენდეტა და პოლიტიკური შურისძიება. რაც შეეხება მიხეილ სააკაშვილის საქართველოში ჩამოსვლას ის მონაწილეობას მიიღებს სამართლებრივ პროცესში სასამართლოზე, ხოლო ის თუ როდის ჩამოვა საქართველოში ნამდვილად არ შეუთანხმებს რუს ოლიგარქს. ჩამოვა საჭირო დროს, საჭირო ადგილას, ის სასამართლოს მისცემს ჩვენებას.მას არ ერიდება ნებისმიერ კითხვაზე პასუხის გაცემა“,- აღნიშნა წიკლაურმა.

ნინა შადური