„ნაციონალური მოძრაობაში“ ფიქრობენ, რომ ხელისუფლებას ამერიკელი სენატორების მიერ გავრცელებულ განცხადებაზე ადეკვატური რეაქცია არ ექნება. როგორც უმცირესობის წევრმა მიხეილ მაჭავარაიანმა განაცხადა, საქართველოს პარტნიორები რწმუნდებიან, რომ ხელისუფლება მოტვირებულია შურისძიებაზე და არა საქართველოს წინასვლაზე.

„სენატორებს მწვავე რეაქცია აქვთ, რადგან მიაჩნიათ, რომ ის ნაბიჯი, რაც გადაიდგა საქართველოს ხელისუფლების მხრიდან, დააზიანებს ქართულ დემოკრატიას. ეს ნაბიჯი პირდაპირ არის მიმართული მთავარი ოპოზიციური განადგურებისათვის. არ ველოდები, რომ ამ განცხადებას ადეკვატური რეაქცია მოჰყვება, რადგან ჩვენი ხელისუფლება შურით არის დაბრმავებული“, - განაცხადა მიხეილ სააკაშვილმა.

ამერიკის შეერთებული შტატების სენატორებმა საქართველოს პროკურატურის მიერ ექსპრეზიდენტ სააკაშვილისა და ყოფილი ხელისუფლების სხვა მაღალი თანამდებობის პირებისთვის ბრალის წაყენებასთან დაკავშირებით განცხადება გაავრცელეს.

ჯინ შაჰინის, ბენ კარდინის, ჯონ მაკკეინის, და ჯიმ რიშის განცხადებაში ნათქვამია:

“ჩვენ უკიდურესად იმედგაცრუებულები და შეშფოთებულები ვართ, რომ საქართველოს მთავარმა პროკურორმა ბრალი წარუდგინა პრეზიდენტ მიხეილ სააკაშვილს და წინა ხელისუფლების მრავალ ლიდერს. რეზიდენტი სააკაშვილი და მისი მთავრობა უნაკლო არ ყოფილა, და ნებისმიერი დემოკრატიისთვის მნიშვნელოვანია კანონის დაცვა. მაგრამ მართლმსაჯულების აღსრულება არ უნდა გახდეს პოლიტიკური შურისძიების იარაღი და ეროვნული განხეთქილების წყარო. განსაკუთრებით დღეს, როდესაც საქართველოს წინაშე ამდენი გამოწვევაა“.

ნინი კაციტაძე