ასოცირებით ,,გვაბოლებენ“... ნატოს ძახილით ,,ვიღაცეებს“ ვაღიზიანებთ

ასოცირებით ,,გვაბოლებენ“... ნატოს ძახილით ,,ვიღაცეებს“ ვაღიზიანებთ - ნათელაშვილი

პოლიტიკა - 11:40, 29 Jul, 2014

1679

ხელისუფლებაში გვეუბნებიან , რომ თურმე ისტორიულ მოვლენასთან გვაქვს საქმე, მაგრამ მინდა თქვენს მკითხველს ვუთხრა, რომ არაფერია ამაში ისტორიული, - აცხადებს ,,რეზონანსისთვის“ მიცემულ ინტერვიუში ,,ლეიბორისტების“ ლიდერი შალვა ნათელაშვილი ევროკავშირთან ასოცირების ხელშეკრულებაზე საუბრისას.

,,კარგია ასოცირება, მაგრამ ნუ „გვაბოლებენ“, რომ თითქოს რაღაც გრანდიოზული მოხდა. ჯერჯერობით არავითარი სარგებელი არ ხელმოწერიდან ჩვენ არ მიგვიღია.

ამისთვის უამრავი რეფორმირებაა საჭირო, რისგანაც ჩვენ შორს ვართ. მეტსაც გეტყვით, არის ქვეყნები, რომლებსაც ასოცირებაზე ხელი წლების წინ აქვთ მოწერილი, მაგრამ დღესაც მძიმე მდგომარეობაში არაიან“, - აცხადებს ნათელაშვილი.

მისივე თქმით, საქართველოს ნატოში არ მიიღებენ და ,,ნატოს ძახილით“ ,,ვიღაცეებს ვაღიზიანებთ“.

,,ნატო, ნატოს ძახილი რომ არაფერს მოგვიტანს , ამაზე არაერთხელ გამიკეთებია განცხადება. სამწუხარო რეალობაა, მაგრამ ფაქტია სრულდება ის, რაზეც მე ჯერ კიდევ წლების წინ ვსაუბრობდი, რომ ნატოში ერთი ოცი წელი არ მიგვიღებენ-თქო.

რომელ ნატოზეა ლაპარაკი, როდესაც ქვეყანა ელემენტარულ პრინციპებსაც ვერ აკმაყოფილებს, იცით რომ ნატოს ძალიან სერიოზული მოთხოვნები აქვს. ვხედავთ, რომ ნატოში არ მიგვიღებენ და მისი ძახილით რატომ ვაღიზიანებთ ვიღაცეებს და ჩვენ თავს საფრთხეში რატომ ვიგდებთ?“, - ამბობს ნათელაშვილი.