თაქთაქიშვილის 8 არგუმენტი, თუ რატომ არის სააკაშვილის ბრალდება პოლიტიკურად მოტივირებული

სოც.მედია - 11:20, 29 Jul, 2014

2704

საპარლამენტო უმცირესობის წევრი ჩიორა თაქთაქიშვილი ექსპრეზიდენტ მიხეილ სააკაშვილისთვის ბარლის წარდგენას სოციალური ქსელის მეშვეობით ეხმაურება.

„თუ ვინმესთვის კიდევ არის საჭირო არგუმენტები, რატომ არის პრეზიდენტისადმი წაყენებული ბრალდება პოლიტიკური:

1. პრეზიდენტი დიდი ხნის წინ იყო გამოცხადებული პუტინის მიერ საერთაშორისო დამნაშავედ.

2. პრეზიდენტის წინააღმდეგ ბრალის წაყენება დიდი ხნის წინ იყო დაანონსებული პირადად ბიძინა ივანიშვილის და მისი მონის მიერ, ოღონდ ყოველგვარი გამოძიების გარეშე.

3. პრეზიდენტი, მინისტრები და მერი ბრალდებული არიან მძიმე დანაშაულებში, როგორც ბრძანების გამცემები, მაგრამ არცერთი შემსრულებელი არ არის პასუხისგებაში მიცემული.

4. გამოძიება წარმართულია არა შესაძლო დანაშაულის გარემოებების შესასწავლად, არამედ ამ "დანაშაულებში" პირველი პირების წინააღმდეგ ბრალის შესათითხნად.

5. საქმეში არასანდო მოწმეების (ირაკლი ოქრუაშვილისნაირების) ჩვენებების გარდა, დარწმუნებული ვარ, არავითარი მტკიცებულება არ არსებობს.

6. ფარცხალაძემ ვანო მერაბიშვილი სწორედ იმიტომ გაიტაცა საკნიდან, რომ ყოფილი პრეზიდენტის წინააღმდეგ ჩვენების მიცემას აიძულებდა, სხვებს რას უზამდნენ, ხომ წარმოგიდგენიათ!

7. პრეზიდენტისთვის ბრალის წაყენება ემთხვევა მის განსაკუთრებულ გააქტიურებას საერთაშორისო მასშტაბით პუტინის წინააღმდეგ და „ქართული ოცნებისადმი“ ხალხის ნდობის დაკარგვას.

8. მილოშევიჩის გვარის გაჟღერება ხელისუფლების მხრიდან ძვირადანაზღაურებად პროკურატურის საერთაშორისო კონსულტანტებთან დაკავშირებით პირდაპირ მიუთითებს პუტინის დავალებას, ივანიშვილის მუქარასა და ამ ბრალს შორის კავშირზე“,- წერს თაქთაქიშვილი „ფეისბუქის“ საკუთარ გევრდზე.

ნინა შადური