საქართველოს ვიცეპრემიერისა და ენერგეტიკის მინისტრის კახა კალაძის განცხადებით, საქართველოს მასშტაბით ელექტრომიწოდება 24 საათიან რეჟიმში მიმდინარეობს. დაზიანებული ელექტროსადგურები ამ დროისათვის აღმოფხვრილია:

„დღეს სრულიად საქართველოს ელექტროენერგია მიეწოდება 24 საათიან რეჟიმში, იყო დაზიანებული სამი მაღალგადამცემი ხაზი, ეს იყო იმერეთი, კოლხიდა და პალიასტომი, იმერეთის ხაზის აღდგენა ორი საათის წინ დასრულდა, ჩვენ ვისარგებლეთ სომხეთით და თურქეთით, ამისთვის მსურს დიდი მადლობა გადავუხადო მათ.

გაწყვეტილი იყო სადენები და ამ დროისთვის არავითარი პრობლემები არ არსებობს.

დივერსიას გამოვრიცხავ, თუმცა, ჩაერთო სამართალდამცავთა ჯგუფი, მიმდინარეობს მოკვლევა და უახლოეს დღეებში ზუსტი მიზეზი გვეცოდინება“, - განაცხადა კახა კალაძემ.