საპარლამენტო უმცირესობის წევრი გოგა ხაჩიძე „ფეისბუქის“ საკუთარ გვერდზე წერს, რომ ძალიან მომრავლდა რუსულ ენაზე გაკეთებული ტრაფარეტები და გარშემო რურული სიმღერები ისმის:

„ძალიან მომრავლდა რუსულ ენაზე გაკეთებული ტრაფარეტები.
გარშემო რუსული სიმღერები ისმის.
რეკლამებში გახშირდა ფრაზა - რეკომენდირებულია რუსი გინეკოლოგების, სტომატოლოგების მიერ.
ჩაირთო თითქმის ყველა რუსული არხი, სადაც მტრის იდეოლოგიის ტოტალური პროპაგანდა მიდის.
პირადად მე ვიცი რამდენიმე ახალი არასამთავრობო ორგანიზაცია, რომელსაც პირდაპირ რუსეთის საგარეო საქმეთა სამინისტრო აფინანსებს.
და კიდევ ერთი საინტერესო მაგალითი:
ერთმა ჩემმა ნაცნობმა 2013 წელს მართლა კარგი, მცირე საწარმო გააკეთა.
თვითონ, ყოველგვარი კრედიტის გარეშე, რამდენიმე ინვესტორთან ერთად. 11 ადამიანი დაასაქმა და პროდუქციასაც უშვებს.
ცოტა ხნის წინ, იმ რაღაც ფონდს მიაკითხა ვითომ დაბალპროცენტიან კრედიტებს რომ იძლევიან და უთხრა: აგერ საწარმო მართლა რეალურად გავაკეთე, თან თქვენ დროს. ხალხი მყავს დასაქმებული. საჩვენებლადაც კარგია და საქმისთვისაცო. რომ დაგცინიან 100 საწარმოზე და რაღაც საღორეებს და ძველ რაღაცეებს აჩვენებთ, მომეცით მე კრედიტი, უზრუნველყოფაში ჩემს საწარმოს ჩავდებ, გაფართოება და ახალი პროდუქტების გამოშვებას ვაპირებო.
იცით პირველი კითხვა რა დაუსვეს?
ისეთ პროდუქციას თუ გამოუშვებ, რუსეთში რომ გავიდეს ექსპორტზეო (?!)

დასკვნები თქვენთვის მომინდვია“, - წერს ხაჩიძე.