,,გამსახურდიას დამხობის დამფინანსებელი ივანიშვილი, ხოლო ორგანიზატორი ვოლსკი იყო“

პოლიტიკა - 19:27, 28 Jul, 2014

6228

ბიძინას აქვს ერთი მიზანი - სააკაშვილის მიმართ აღძრული საქმეები იმ სტადიამზე მიიყვანოს, რის შემდეგაც ინტერპოლის საშუალებით მიშას გამოაცხადებენ ძებნილად, - ამის შესახებ ,,ლეიბორისტების“ ლიდერი შალვა ნათელაშვილი გაზეთ ,,ასავალ-დასავალთან“ საუბრობს.

ნათელაშვილი ბიძინა ივანიშვილზე საუბრობს და აცხადებს, რომ მისი მითითებით შევარდნაძემ ,,ლეიბორისტები“ პარლამენტში არ შეუშვა, ,,ბიძინა ივანიშვილმა პირადად წაუყენა ულტიმატუმი შევარდნაძეს - ბიზნესპროექტების დაფინანსებას შეგიჩერებთ, თუ შალვა ნათელაშვილს და ლეიბორისტებს პარლამენტში შემოუშვებთ“, - აცხადებს ნათელაშვილი.

მისივე თქმით, პრეზიდენტ ზვიად გამსახურდიას დამხობის დამფინანსებელი ივანიშვილი იყო, ხოლო ამჟამინდელი საპარლამენტო უმრავლესობის წევრი გია ვოლსკი, ნათელაშვილის თქმით, პრეზიდენტის დმხობის ორგანიზატორი:

,,ბიძინა ივანიშვილმა გადაწყვიტა და დააფინანსა ზვიად გამსახურდიას დამხობაც. პირველი მილიონები მას უკვე ნაშოვნი ჰქონდა. გამსახურდიას დამხობის შემდეგ, რუსეთმა ბიძინა ივანიშვილს პრემიის სახით ალუმინის ბიზნესი მისცა... გია ვოლსკი ზვიად გამსახურდიას დროს საქართველოს ელჩის მოადგილე იყო რუსეთში. იგი გახლდათ ზვიად გამსახურდიას დამხობის ერთ-ერთი ორგანიზატორი მოსკოვში“, - აცხადებს შალვა ნათელაშვილი.