„დემოკრატიული მოძრაობის“ ლიდერი ნინო ბურჯანაძე მიხეილ სააკაშვილისთვის და ყოფილი მაღალჩინოსნებისთვის ბრალის წარდგენის ფაქტს ეხმაურება. ბურჯანაძის თქმით, ის მზადაა გამოძიებასთან ითანამშრომლოს და ყოფილ პრეზიდენტზე მათ ნებისმიერი ინფორმაცია მიაწოდოს.

„უპირველეს ყოვლისა სააკაშვილმა პასუხი უნდა აგოს აგვისტოს ომის მოვლენებზე, გამოძიებული იქნას 26 მაისის სისხლიანი დარბევა და უამრავი დატერორებული ადამიანის საქმე. მე პროკურატურას არაერთი ინფორმაცია მივაწოდე და ახლაც მზად ვარ, ხელი შეუწყო გამოძიების ობიექტურად ჩატარებას“, - აცხადებს ბურჯანაძე.

პროკურატურამ მიხეილ სააკაშვილსა და ყოფილ მაღალჩინოსნებს ბრალი ცოტა ხნის წინ წარუდგინა. საქმე ეხება 2007 წლის 07 ნოემბერს, მომიტინგეთა მასობრივად დარბევას, ტელეკომპანია იმედში შეჭრას და არკადი პატარკაციშვილის კუთვნილი ქონების დანაშაულებრივად ხელში ჩაგდებას.

ნინი კაციტაძე