შინაგან სამქეთა ყოფილი მინისტრი ვანო მერაბიშვილი მიხეილ სააკაშვილისთვის, მისთვის და ყოფილი მაღალჩინოსნებისთბის ბრალის წარდგენის ფაქტს ეხმაურება. მერაბიშვილის თქმით, აღნიშნული ბრალის წარდგენა ვლადიმერ პუტინის ინტერესებში შედის და „ბიძინა ივანიშვილი მის პირდაპირ დავალებას ასრულებს“.

მერაბიშვილი მიიჩნევს, რომ აზრი არ აქვს სასამართლოში რაიმე არგუმენტებზე საუბარს, რადგან მოსამართლეები და პროკურორები დაშინებულები არიან და ივანიშვილის დაკვეთას ასრულებენ.

„ნათელია, რომ დღევანდელმა ხელისუფლებამ ჭერს აარტყა თავი და ამის ზემოთ ის ვერ წავა. ბიძინა ივანიშვილი საქართველოს წინაშე ჩადენილი დანაშაულისთვის პასუხს აგებს. სამწუხაროა, რომ დღევანდელმა ხელისუფლებამ ლეგიტიმურობა დაკარგა. მე მეცოდება ყველა პროკურორი და მოსამართლე, ვინც ამ პატარა კაცის დავალებებზე ბრძანებებს ასრულებს. ჩვენ პასუხისმგებლობას არ გავექცევით“, - განაცხადა სასამართლო პროცესზე მერაბიშვილმა.

ნინი კაციტაძე