„ნაციონალური მოძრაობის“ წევრი ზაზა ბიბილაშვილი მიხეილ სააკაშვილისთვის ბრალის წაყენების ფაქტს „ფეისბუქზე“ ეხმაურება.

„დღეს ქართული სახელმწიფო ბრალს დებს ყოფილ პრეზიდენტს და მის თანამებრძოლებს იმაში, რომ მათ ისწავლეს 1991 წლის შეცდომებზე და არ დაუშვეს სახელმწიფო გადატრიალება, რომლის უკანაც ზუსტად იგივე პრორუსული, კორუმპირებული, კრიმინალური ძალები იდგნენ... ეს ნიშნავს, რომ დღეს სახელმწიფო ხელისუფლება მოღალატეების ხელშია. ასეთი ხელისუფლება არალეგიტიმურია“, - წერს ბიბილაშვილი.

პროკურატურამ მიხეილ სააკაშვილს ბრალი ცოტა ხნის წინ წარუდგინა. საქმე ეხება 2007 წლის 07 ნოემბერს, მომიტინგეთა მასობრივად დარბევას, ტელეკომპანია იმედში შეჭრას და არკადი პატარკაციშვილის კუთვნილი ქონების დანაშაულებრივად ხელში ჩაგდებას. მიხეილ სააკაშვილთან ერთად, ბრალდების შესახებ დადგენილებები იქნა გამოტანილი: შინაგან საქმეთა ყოფილი მინისტრის ივანე მერაბიშვილის, ყოფილი გენერალური პროკურორის ზურაბ ადეიშვილის, თავდაცვის ყოფილი მინისტრის დავით კეზერაშვილის და თბილისის ყოფილი მერის გიორგი უგულავას მიმართ.

ნინი კაციტაძე