საქართველოს რეგიონული განვითარებისა და ინფრასტრუქტურის სამინისტრო ვანში მომხდარ სტიქიასთან დაკავშირებით განცხადებასს ავრცელებს:

„ჩამოწოლილი მეწყერის შედეგად ჩახერგილი საირმე-უდაბნოს გზა ნაწილობრივ გაწმენდილია, საავტომობილო მოძრაობა აღდგენილია. გაწმენდითი სამუშაოები გზის ამ მონაკვეთზე ხვალ დასრულდება. სამუშოებს საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი კურირებს.

საქართველოს რეგიონული განვითარებისა და ინფრასტრუქტურის, სოფლის მეურნეობის სამინისტროსა და საგანგებო სიტუაციათა მართვის დეპარტამენტის წარმომადგენლები, ადგილობრივ ხელისუფლებასთან ერთად, ასევე, სტიიქიით დაზარალებულ ვანის მუნიციპალიტეტში მუშაობენ. ადიდებულმა კვინისწყალმა დღეს სოფლების - ინაშაურისა და საპრასიას დამაკავშირებელი ხიდი წაიღო, მოვარდნილმა წყალმა დააზარალა.

ვანის მუნიციპალიტეტში გაემგზავრა საქართველოს რეგიონული განვითარებისა და ინფრასტრუქტურის სამინისტროს ინფრასტრუქტურის განვითარების დეპარტამენტის სტიქიების პრევენციისა და ოპერატიული რეაგირების სამმართველოს უფროსი, თენგიზ თოფურიძე, სამმართველოს თანამშრომლები.

საქართველოს რეგიონული განვითარებისა და ინფრასტრუქტურის სამინისტრო, სხვა სახელმწიფო უწყებებთან ერთად, აქტიურად იმუშავებს სქიტიის შედეგეგბის მაქსიმალურად სწრაფად აღმოფხვრისათვის“, - ნათქვამია განცხადებაში.

შეგახსენებთ, რომ ვანის რაიონში მდინარე კვინისწყალის ადიდებამ მსხვერპლი გამოიწვია.

როგორც "ნიუპოსტს" შინაგან საქმეთა სამინისტროს პრესსამსახურში განუცხადეს, მოვარდნილმა წყალმა ხიდზე მიმავალი ავტომობილი გაიტაცა, ავტომობილში ხუთი მგზავრი იმყოფებოდა, მათგან ერთერთი გარდაიცვალა, ორ ქალბატონს კი ამ დრომდე ეძებენ, ორი მგზავრის გადარჩენა მოხერხდა", - ნათქვამია განცხადებაში.

ანანო კვაჭანტირაძე