ივანიშვილს სურს არ დაუშვას სააკაშვილის დაბრუნება და ამით ასიამოვნოს პუტინს

ივანიშვილს სურს არ დაუშვას სააკაშვილის დაბრუნება და ამით ასიამოვნოს პუტინს - ანდრო ბარნოვი

პოლიტიკა - 13:05, 27 Jul, 2014

2073

მიხეილ სააკაშვილის პროკურატურაში დაკითხვაზე დაბრუნებას გამოეხმაურე საპრეზიდენტო ბიბლიოთეკის სამეურვეო საბჭოს თავმჯდომარე ანდრო ბარნოვი, რომლის თქმით ხელისუფლებას მიხეილ სააკაშვილის საქართველოში დაბრუნების ეშინია.

"პრეზიდენტობის შემდეგ მთელი პერიოდი მიხეილ სააკაშვილი დაკავებულია იმით, რომ იბრძვის უკრაინისა და საქართველოს ოკუპაციისა და ოკუპანტის წინააღმდეგ, ხოლო საქართველოში საგანმანათლებლო პროგრამებით არის დაკავებული. ამ სიტუაციაში ხელისუფლება, რომელიც არის ძალიან წარუმატებელი, რომელმაც ერთი დაპირება ვერ შეასრულა და არის აგონიაში, აკეთებს ყველაფერს, რომ მათ შექმნან ლეგალური, იურიდიული წინაღობები, რათა მიხეილ სააკაშვილი ჩამოვიდეს საქართველოში. მათ უბრალოდ ამის ეშინიათ. ისინი არიან დარწმუნებული, რომ როგორც კი მიხეილ სააკაშვილი გადაწყვეტს საქართველოში ჩამოსვლას, დაიწყება მათი პოლიტიკური გაქრობა. მეორე, რაც უნდა აღინიშნოს, ივანიშვილი, რომელიც არის ამ ყველაფრის ავტორი, დარწმუნებულია, რომ თუ არ დაუშვებს მიხეილ სააკაშვილის საქართველოში დაბრუნებას და ასიამოვნებს პუტინს, ეს არის მისი უკანონო ხელისუფლების გახანგრძლივების ერთადერთი უებარი რეცეპტი. ეს არის მისი რეცეპტი, რომელიც ცხადია, ჩვენ სასაცილოდ არ გვყოფნის. ცხადია, ეს ყველაფერი დამთავრდება ისევ მათივე კრახით", - განაცხადა ანდრო ბარნოვმა.

მიხეილ სააკაშვილი პროკურატურაში დაკითხვაზე ხვალ, 11:00 საათზე, მოწმის სტატუსითაა დაბარებული.