„კარდინალურად ახალი ტაქტიკა საომარი მოქმედბების ანტიტერორისტული მოქმედებების მიმიდნარეობისას უკრაინის აღმოსავლეთში, საშუალებას იძლევა მნიშვნელოვნად შეამციროს მსხვერპლი“, - ამის შესახებ პეტრო პოროშენკომ განაცხადა ეროვნული გვარდიის პოლიგონზე სტუმრობისას. ინფორმაციას ამის შესახებ უკრაინული მედია ავრცელებს.

პოროშენკომ ეროვნული გვარდიის ჯარისკაცებს ახალ ფორმებსა და საიმედო ჯავშანჟილეტებს დაპირდა. აგრეთვე ვრცელდება ინფორმაცია, რომ უახლოეს მომავალში უკრაინული არმიის განკარგულებაში ახალი ტიპის მძიმე ტექნიკა კერძოდ ტანკები გამოჩნდება.

„ჩვენი საომარი მოქმედებების ტაქტიკა კარდინალურად შეიცვალა და ეს დღეს უკვე შესამჩნევია. კბილებამდე შეიარაღებული ტერორისტებისგან ძერჟინსკის განთავისუფლების დროს დივერსიული ქვედანაყოფების საშუალებით ჩვენ მოვახერხეთ თავიდან აგვეცილებინა უზარმაზარი მსხვერპლი, როგორც მშვიდობიანი მოსახლეობის, ასევე სამხედრო მოხელეებს შორის“, - განაცხადა უკრაინის პრეზიდენტმა.

პოროშენკომ აღნიშნა, რომ ძერჟინსკის განთავისუფლების დროს განსაკუთრებით გამოირჩეოდნენ ეროვნული გვარდიის სპეცდანიშნულების რაზმი და უკრაინის საჰაერო ძალების სადესანტო ქვედანაყოფები.