„ვანო მერაბიშვილის მსგავსი კრიმინალი მინისტრები ვერასოდეს ვერ დაბრუნდებიან“, - ასე გამოეხმაურა ირაკლი ღარიბაშვილი უმრავლესობის დეპუტატის ანი მიროტაძის კითხვას, რომლის მიხედვითაც მიროტაძემ ღარიაბშვილს გარანტია მოსთხოვა იმისათვის, რომ „ქვეყნის სათავეში ვერასდროს დაბრუნდებიან მინისტრები, რომლებიც გვამებს მოითხოვენ“:

„რა თქმა უნდა გიდასტურებთ, რომ ვანო მერაბიშვილის ნაირი კრიმინალი მინისტრები ვერასოდეს ვერ დაბრუნდებიან, სანამ ჩვენ ვართ ქვეყნის სათავეში ,ვერასოდეს დაბრუნდებიან „ნაციონალური მოძრაობის“ წარმომადგენლები. ხალხმა გადაწყვეტილება მაშინ მიიღო, როცა თქვენ დამარცხდით საპარლამენტო, საპრეზიდენტო და ადგილობრივი თვითმმართველობის არჩევნებში“, - განაცხადა ირაკლი ღარიბაშვილმა.

პარლამენტში სამთავრობო გეგმის წარდგენის შემდეგ პრემიერმა უმრავლესობისა და უმცირესობის კითხვებს უპასუხა.

ანო თორელი