მიშა გიორგაძე უგულავას დაკავებაზე: წინასაარჩევნოდ, ამგვარ ფაქტს პოზიტივი არ მოაქვს

პოლიტიკა - 17:20, 25 Jul, 2014

2201

„მინისტრთა კაბინეტში მოვდივარ ადამიანი, რომელიც არც ერთი პოლიტიკური პარტიის წევრი არ ვარ და დატვირთული არ ვიქნები პარტიული ვალდებულებებით“, - ამის შესახებ კულტურის მინისტრობის კანდიდატმა მიხეილ გიორგაძემ პარლამენტში უმცირესობასთან შეხვედრის დროს განაცხადა.

მისი თქმით, მინისტრად არჩევის შემთვევაში მთლიანად კულტურის განვითარების სფეროზე იზრუნებს.

„ძალიან მნიშვნელოვან გარემოებად მიმაჩნია, რომ მინისტრთა კაბინეტის წევრად მივდივარ ადამიანი, რომელიც არც ერთი პოლიტიკური პარტიის წევრი არ არის. ეს არის მნიშვნელოვანი, რადგან ეს ფაქტი მიტოვებს შემოქმედებით თავისუფლებას, არ ვიქნები დატვირთული პარტიული“, - განაცხადა გიორგაძემ.

კულტურის მინისტრობის კანდიდატი თბილისის ყოფილი მერის გიგი უგულავას დაკავების ფაქტსაც გამოეხმაურა და აღნიშნა, რომ წინასაარჩევნოდ მსგავს ფაქტებს პოზიტივი არ მოაქვს.

„წინასაარჩევნო გარემოს თვალსაზრისით, ამგვარ ფაქტებს პოზიტივი არ მოაქვს. თუმცა ვიზიარებ იმ პათოსს, რომ კანონზე მაღლა არავინ დგას. თუ შეკითვები არის დასასმელი შეკითვები უნდა დაისვას. მე, როგორც მოქალაქემ შემიძლია მხოლოდ დაველოდო სასმარათლოს შედეგს“, - განაცხადა გიორგაძემ.

ნინო დათაშვილი