საპარლამენტო უმცირესობის წევრმა გივი თარგამაძემ ჩამოთვალა იმ ე.წ. კანონიერი ქურდების ვინაობა, რომლებმაც საქართველოს საზღვარი გადმოლახეს, ამის შემდეგ კი მათი ადგილსამყოფელი უცნობია.

თარგამაძემ ირაკლი ღარიბაშვილს მოუწოდა არ გასცეს გარანტიები, ასევე აღნიშნა, რომ სიცრუეზე აწყობილი სისტემა მალე დაინგრევა, ახალი ხელისუფლება კი სწორედ სიცრუით ცდილობს ქვეყნის მართვას:

„9 ადამიანი, რამაზ წიკორიძე, გია გიორგაძე, ჯემალ მამოიანი, პოლიკარპე ჯანელიძე, გელა ქარდავა, გიზო ქარდავა, გიორგი ჯანელიძე, რომან ბარბაქაძე, მამუკა ჭკადუა, მინდია გულაძე, ეს ადამიანები არიან ექსტრადირებულები ან დეპორტირებულები და თქვენ გინდათ გვითხრათ ესენი ყველანი პარაშუტით გადახტნენ სადღაც გზაში.

რაც შეეხება „რემენას“ ყველამ კარგად ვიცით, რომ იგი აშენებდა ჭიათურაში ეკლესიას, მიიყვანეს იქ, მოუყვანეს ახლობლები, როგორც ხდება, რაც შეეხება გიზო ქარდავას, ის ტყეში ჰყავდათ სამი დღე, ფული მოიკითხა აქ ვისგანაც იყო დავალებული, ამ ფულის ნაწილი დაუტოვა თქვენს თანამშრომლებს, დანარჩენი წაიღო თურქეთში, მამოიანი, ქალბატონ თეას მსურს ვუთხრა, ქალბატონო თეა, თქვენ რომ გახსენით მკვლელების მემორიალი, როგორც გაირკვა ვაზაგაშვილს მინიმუმ ორი კაცი ჰყავს მოკლული, მამამისი, ბატონი იური, იგივე „იურა ოსი“, რომელსაც დასაბუთებულად გაუთავებული ჰყავს ხალხი, მორალს უკითხავდა ბატონ კუბლაშვილს.მემორიალის გახსნა ალბათ არის ყველაზე საზარელი ფაქტი, ერთი კვირის შემდეგ მამოიანი იმ მემორიალთან იდგა, იგივე ლავასოღლი, მინდია გორაძე, როცა ჩვენ ეს ვთქვით ნინო გიორგობიანმა თქვა, რომ მინდია გორაძე არ იმყოფებოდა საქართველოში და მინდია აბაშიძეს არ გადმოუკვეთავს საზღვარი.

დაგიზუსტებთ, ამ ადამიანს კიდევ ერთი პასპორტი გაუკეთებია და არის გურამ გურამის ძე აბაშიძე, რომელსაც წუთებში და წამებში მოგცემთ როდის შემოვიდა უკრაინიდან და როდის გავიდა თურქეთში. ამ სიტუაციიდან გამოსავალი თქვენ არ გაქვთ, ის რომ კეჭაყმაძე კახი კალაძის უახლოესი ადამიანი დახვდა „რემენას“ და წაიყვანა, ამაში კი არ არის საქმე, საქმე არის იმ ადამიანში, რომელსაც ყველაზე დიდი პრემია მიეცით, საქმე არის დარბაისელში, მაშინ ჩამოყალიბდა ეს სისტემა, როდესაც გიზო ქარდავა ჰყავდათ ტყეში.

თქვენ ხომ იცით რითიც მოხვედით ამ ხელისუფლებაში? მთელი ციხე რომ ყვიროდა „ბიძოს დროაო“ ამით მოხვედით, ამით თქვენ გაეცით იმხელა კრედიტი, რომელსაც ვერ მოერევით, ერთი ბუნტი თუ დაიწყო ამას ვერ ჩააქრობთ, თქვენ ვერ მოერიეთ ამას, აღმოჩნდა დარბაისელი, რომელმაც მოაგვარა ეს ყველაფერი მარტივად, შეხვდა გიზო ქარდავას, შემდეგ შეხვდა კიდევ თურქეთში, შეიქმნა სისტემა, როგორც წესი ქურდები ჩამოყავთ, არ აჩერებენ აეროპორტში და პირდაპირ თურქეთში უშვებენ, შემდეგ თურქეთში ჩადიან თქვენი წარმომადგენლები და თანხმდებიან რომელი მაყურებლებით უნდა გაკონტროლდეს ციხე, ეს მაინც გახდება ცნობილი. დარბაისელმა პირველმა ჩამოაყალიბა ეს, ამიტომ მან მიიღო ყველაზე დიდი პრემია. მაინც დარბაისელი იქნება მანდ უფროსი ბატონო მღებრიშვილო, ასე გაგრძელდება, ეს არის ძალიან სამწუხარო.

როდესაც პირველად თქვა ბატონმა ივანიშვილმა თქვენ აცხოვრებდით ქვეყანა სიცრუეშიო, მივხვდი რომ თქვენი მართვის მეთოდი იქნებოდა სიცრუე. ყველაფერი ტყუილია, რასაც თქვენ იძახით, მაგალითად ის, რომ კახი კალაძე არის თქვენი მეგობარი, არის ტყული, ამ სიცრუეზე დამყარებული სისტემა მალე დაინგრევა, გარანტიებს ნუ გასცემთ ბატონო ირაკლი“, - განაცხადა ირაკლი ღარიბაშვილმა.

ანანო კვაჭანტირაძე