„ბატონი გივი თქვენ ქურდი ხართ?“, - ამ სიტყვებით პრემიერ-მინისტრმა ირაკლი ღარიბაშვილმა უმცირესობის წევრს გივი თარგამაძეს ე.წ. „კანონიერ ქურდებთან“ დაკავშირებით დასმული კითხვის საპასუხოდ მიმართა. ღარიბაშვილის თქმით, შესასწავლია თარგამაძის „ბექრაუნდი“, რადგან ის ზედმეტად კარგად ერკვევა „კანონიერ ქურდებში“.

„ბატონო გივი, თქვენ ქურდი ხართ? კარგად ერკვევით ქურდულ სამყაროში. სანამ ხელისუფლებაში იყავით, ალბათ, ქურდი იყავით. კარგად უნდა შიესწავლოთ ბატონი გივის ბექრაუნდი, რადგან კარგად ერკვევა ქურდულ სამყაროში. ამ დემაგოგიაზე კომენტარს არ გავაკეთებთ. ამაზე ერთი ებრაული ანდაზა მახსენდება, როდესაც გაბრალებენ სიცრუეს კამათში არ უნდა აჰყვე, რადგან მესამე პირი განსხვავებას ვერ დაინახავს“, - განაცხადა პრემიერმა.

ნინი კაციტაძე