შს მინისტრი ალექსანდრე ჭიკაიძის თქმით, მისი თანამშრომლების ნაწილი არაკომპეტენტური და არაპროფესიონალია.

ამის შესახებ ჭიკაიძემ იურიდიულ საკითხთა, თავდაცვის, ადამიანის უფლებათა დაცვისა და საპროცედურო საკითხთა კომიტეტების გაერთიანებულ სხდომაზე განაცხადა.

„მკითხეს სოფლებში წვრილმანი დანაშაულის დამალვის შესახებ, რაც ჩემთვის საინტერესო იყო. მე ამას აუცილებლად შევატყობინებ გენინსპექციას. თუ ნებისმიერმა თანამშრომელმა დამალა დანაშაული, ეს სისხლის სამართლის დანაშაულია. ჩემი თანამშრომლების ნაწილი არაკომპეტენტური და ნაკლებად პროფესიონალია. ამასთან დაკავშირებით მიმდინარეობს მუშაობა და მე ჩემს თანამშრომლებთან ერთად შევეცდები მაქსიმალურად პროფესიონალები გავხდეთ ჩემი ქვეყნისთვის“, - განაცხადა ჭიკაიძემ.

ნინი კაციტაძე