შინაგან საქმეთა მინისტრის ინფორმაციით, დროებითი მოთავსების იზოლატორებში ადამიანის უფლებების დარღვევის არცერთი ფაქტი არ გამოვლენილა. ამის შესახებ ალექსანდრე ჭიკაიძემ იურიდიულ საკითხთა, თავდაცვის, ადამიანის უფლებათა დაცვისა და საპროცედურო საკითხთა კომიტეტების გაერთიანებულ სხდომაზე განაცხადა. მისივე ინფორმაციით, დაგეგმილია თანამედროვე სტანდარტების დროებითი მოთავსების იზოლატორების გახსნა და არსებული იზოლატორების რეაბილიტაცია.

“დაგეგმილია თანამედროვე სტანდარტების დროებითი მოთავსების იზოლატორების გახსნა და ასევე არსებულის რეაბილიტაცია, ასევე თანამშრომლების ტრენინგი. იზოლატორებში გაზირდება სამედიცინო პერსონალის ექიმების რაოდენობაც. აქვე მინდა ავღნიშნო, რომ ჩვენს იზოლატორებში ადამიანის უფლებების არცერთი დარღვევა არ გამოვლენილა. კამერებია დამონტაჟებული და მათ არცერთი შემთხვევა არ დაუფიქსირებით“, - განაცხადა ჭიკაიძემ.

ნინო დათაშვილი