"ლტოლვილთა და განსახლების სამინისტრო პრობლემური უწყებაა, სადაც ბევრი მუშაობაა საჭირო", - ამის შესახებ ლტოლვილთა და განსახლების მინისტრობის კანდიდატმა სოზარ სუბარმა იურიდიულ საკითხთა, თავდაცვის, ადამიანის უფლებათა დაცვისა და საპროცედურო საკითხთა კომიტეტების გაერთიანებულ სხდომაზე განაცხადა.

“ეს არის მართლაც პრობლემური და მძიმე სამინისტრო, იმ გაგებით, რომ ბოლო ოცი წლის განმავლობაში ჩვენი ერთ-ერთი მოურჩენელი ტკივილია დარღვეული ტერიტორიული მთლიანობა და ამ ტერიტორიებიდან გამოდევნილი ადამიანები. აუცილებელია ამ ადამიანების ღირსეული უზრუნველყოფა საცხოვრებლით. მათ უნდა ჰქონდეთ თანაბარი ხელმისაწვდომობა ყველა იმ სიკეთეზე, რაც ქვეყანაში არის. უნდა აღინიშნოს, სამინისტრო, რომელიც იყო დახურული და ხელმიუწვდომელი დევნილთა უმრავლესობისთვის, დღეს გადაიქცა ღია და გამჭირვალე უწყებად, რაც ძალიან დიდი დამსახურებაა ბატონი დარახველიძის”, - განაცხადა სუბარმა.

ნინი კაციტაძე