განათლებისა და მეცნიერების მინისტრი თამარ სანიკიძე საქართველოს პრემიერ-მინისტრის იმ განცხადებას გამოეხმაურა, სადაც ირაკლი ღარიბაშვილმა განაცხადა, რომ მას ზოგიერთ მოქმედ მინისტრთან კითხვები აქვს.

მოქმედი მინისტრი თამარ სანიკიძე არ გამორიცხავს, რომ მომავალში თანამდებობა თავადაც დატოვოს.

“არ არის გამორიცხული ვიყო მე, ან იყოს სხვა. პრემიერს არ დაუკონკრეტებია. მან გარკვევით თქვა, რომ აგრძელებს მონიტორინგს და დაკვირვებას მინისტრების მუშაობაზე, რაც ნორმალურია. საჭიროა და კარგია. შესაბამისად, აქედან გამოჩნდება ვინ იქნებიან ის ადამიანები, ვინც მომავალში დატოვებენ, ან არ დატოვებენ მინისტრთა კაბინეტს“, - აღნიშნა თამარ სანიკიძემ.

ნინა შადური