პრემიერ-მინისტრი ირაკლი ღარიბაშვილი იმ მიზეზებს ასახელებს, რის გამოც მან სამთავრობო გუნდში ცვლილებების შეტანა გადაწყვირა. გადაცემა „პოლიტიკის დროში“ ირაკლი ღარიბაშვილმა განაცხადა, რომ მინისტრებს დიდი ხნის განმავლობაში აკვირდებოდა. პრემიერის თქმით, პირველ რიგში მთავრობის წევრებისგან ეფექტურ და დამოუკიდებელ მუშაობას მოითხოვდა. პრემიერი მიიჩნევს, რომ გადაყენებულ მინისტრებს სწორედ დამოუკიდებელი გადაწყვეტილების მიღება უჭირდათ, განსხვავებით იმ მინისტრებისგან, ვინც მთავრობის გუნდში ადგილი შეინარჩუნა.

„დიდი ხანია ვფიქრობდი ამ გადაწყვეტილებაზე. ეს არ მიმიღია ბოლო ორი დღის განმავლობაში. მანამდე საკმაოდ აქტიურად ვაკვირდებოდი მათ მუშაობის ეფექტურობას და დამოუკიდებობას. ყველა მინისტრს ჰქონდა დამოუკიდებლობა, რომ საკუთავი თავის რეალიზება აღმოცდა. მინისტრები რომლებიც შევცვალე, არ აღოჩნდნენ ისეთი ეფექტურები როგორიც სხვები არიან. ამიტომ გადავწყვიტე მათი ჩნაცვლება უკეთესით. ეს არის ჯანმრთელი პროცესი. ვფიქრობ მათ ადგილას დაინიშნენ უფრო ენერგიული და მოტივირებული ადამიანები. ბოლო წლების განმავლობაში ინსტიტუტების დამოუკიდებლობას დამღა დაესვა. ხშირად მინისტრები დამოკიდებული იყვნენ პრეზიდენტზე ან პრემიერზე. ასე იყო ჩემს შემთხვევაშიც. ზოგადად უწყებებში უჭირდათ დამოუკიდებლად გადაწყვეტილებების მიღება ჯერ კიდევ სააკაშვილის დროს. დროულად გადაწყვეტილების მიღება განსაზღვრავს ამა თუ იმ უწყების ეფექტურობას. ამაზე ყოველთვის ვსაყვედრობ მინისტრებს, რომ მიიღონ დროულად გადაწყვეტილება და იყვნენ გაბედულები და რისკიანები. ჩვენ არ გავქვს დრო რომ ბევრი ვიფიქროთ. იმას არ უარყოფ, რომ არის საკითხები რომელიც მოითხოვს განხილვას მთავრობის ფორმტში. თუმცა ის საკითხი რომელიც უშუალოდ ეხება მათ სამინისტროებს, ეს გადაწყვეტილება უნდა მიიღოს მინისტრმა“, - განაცხადა პრემიერმა.