საქართველოს იუსტიციის მინისტრის თეა წულუკიანის განცხადებით იგი კულტურის მინისტრობის ახალ კანდიდატს არ იცნობს, თუმცა, წარმატებას უსურვებს.

„ძალიან მადლიერი ვარ როგორც კოლეგა ყველა იმ ყოფილი მინისტრის, რომლებიც ჩვენს გვერდით დღე და ღამე შრომობდა, კულტურის მინისტრის კანდიდატურას მე პირადად არ ვიცნობ, თუმცა, ბატონ გიორგაძეს ვუსურვებ წარმატებებს, გამძლეობას და სიმტკიცეს, იმიტომ, რომ ის იბარებს უაღრესად რთულ სფეროს, მე ახლოს არცერთ კანდიდატს არ ვიცნობ“, - განაცხადა თეა წულუკიანმა.

საქართველოს პრემიერმინისტრმა კულტურის სამინისტროს ხელმძღვანელის კანდიდატურა დღეს დაასახელა, ამის შესახებ განცხადება პრემიერის პრესსამსახურმა გაავრცელა.

ანო თორელი