საქართველოს კულტურის მინისტრობის კანდიდატი მიხეილ გიორგაძე პრემიერმინისტრის მიერ ამ თანამდებობაზე მისი წარდგენის თაობაზე პირველ კომენტარს აკეთებს.

გიორგაძის განმარტებით, მასსა და პრემიერმინისტრს შორის სატელეფონო საუბარი დღეს დილით შედგა:

„არ დაგიმალავთ, რომ მოულოდნელი ნამდვილად იყო, სატელეფონო საუბარი შედგა დღეს დილით პრემიერთან, ჩემი მოსაზრებები გავუზიარე მას კულტურის სამინისტროსთან დაკავშირებით, ჩვენ გუნდს გააჩნია ჩვენი მოსაზრებები კულტურის სამინისტროსთან მიმართებაში, ჩვენ ვფიქრობთ, რომ ბევრად უფრო აქტიური უნდა იყოს არა მხოლოდ ქვეყნის შიგნით, არამედ ინიციატივის მატარებელი უნდა იყოს საერთაშორისო არენაზე“, - განაცხადა მიხეილ გიორგაძემ.

ანო თორელი