ექსპერტი კახი კახიშვილის შეფასებით პრემიერ-მინისტრი ახალი მინისტრთა კაბინეტით საკუთარ გუნდს აძლიერებს.

მისი თქმით, ის ადამიანები, რომლებიც გუშინ დასახელდნენ უშუალოდ ირაკლი ღარიბაშვილის გუნდს წარმოადგენენ.

„ეს ადამიანები წარმოადგენენ უშუალოდ ღარიბაშვილის გუნდს. მათ „ქართულ ოცნებასთან“ არანაირი პირდაპირი შეხება არ ჰქონიათ და ძირითადად, ესენი ის ადამიანები არიან, რომლებიც ღარიბაშვილმა უკვე მთავრობაში მოსვლის შემდეგ გაიცნო, ამიტომაც როგორც ჩანს, საკუთარ გუნდს აძლიერებს“, - განაცხადა კახიშვილმა.

პრემიერ-მინისტრმა ირაკლი ღარიბაშვილმა მინისტრთა კაბინეტის ახალი წევრები წარადგინა. ცვლილება შვიდ სამინისტროს შეეხო.

სოფლის მეურნეობის მინისტრი - ოთარ დანელია; სასჯელაღსრულებისა და პრობაციის მინისტრი -გიორგი მღებრიშვილი; საქართველოს რეგიონული განვითარებისა და ინფრასტრუქტურის მინისტრი - დავით შავლიაშვილი; დიასპორის საკითხებში სახელმწიფო მინისტრი - გელა დუმბაძე; საქართველოს ოკუპირებული ტერიტორიებიდან დევნილთა, ლტოლვილთა და განსახლების მინისტრი -სოზარ სუბარი; გარემოს დაცვისა და ბუნებრივი რესურსების სამინისტრო - ელგუჯა ხოკრიშვილი. კულტურის მინისტრის ვინაობა დღეს გახდება ცნობილი.

ნინი კაციტაძე