პარლამენტის თავმჯდომარე დავით უსუფაშვილი ისრაელის უმაღლესი საკანონმდებლო ორგანოს, ქნესეთის თავმჯდომარე იული-იოელ ედელშტეინთან და ისრაელი-საქართველოს მეგობრობის ჯგუფის ხელმძღვანელ ავრაჰამ მიქაელთან გამართავს შეხვედრებს.

დავით უსუფაშვილი ქნესეთის ტრიბუნიდან ისრაელის პარლამენტის წევრებს და ხალხს მისასალმებელი სიტყვით მიმართავს.

ვიზიტის ფარგლებში დავით უსუფაშვილი შეხვედრებს ისრაელის ახალარჩეულ პრეზიდენტ რეუვენ რივლინთან, ქნესეთის საგარეო საქმეთა და თავდაცვის კომიტეტის თავმჯდომარე ზეევ ელკინთან და ოპოზიციის ხელმძღვანელ ისააკ ჰერცოგთან გამართავს.

ოფიციალური შეხვედრების შემდეგ, საქართველოს პარლამენტის თავმჯდომარე, იერუსალიმში ჰოლოკოსტის მსხვერპლთა მემორიალს „იად ვაშემს“ გვირგვინით შეამკობს. საქართველოს პარლამენტის თავმჯდომარესთან ერთად, ისრაელის სახელმწიფოს პარლამენტის საგარეო ურთიერთობათა კომიტეტის თავმჯდომარე თედო ჯაფარიძეც ეწვევა.

ნინა შადური