ამერიკის შეერთებული შტატების ელჩი საქართველოში რიჩარდ ნორლანდი სამთავრობო ცვლილებებთან დაკავშირებით კომენტარს აკეთებს. რიჩარდ ნორლანდი იმედს გამოთქვამს, რომ დამტკიცების შემდეგ მთავრობის ახალ წევრებთან თანამშრომლობა შედგება.

„ჩვენ შესანიშნავი თანამშრომლობა გვქონდა ძველ მინისტრებთან და ველით, რომ შევხვდებით ახალ მინისტრებსაც მათი დამტკიცების შემდეგ. საქართველოს მთავრობას პოლიტიკური სეზონის დასრულების შემდეგ კარგი შესაძლებლობა აქვს უფრო ინტენსიურად წარმართოს ეკონომიკური დღის წესრიგი. მოახდინოს საინვესტიციო გარემოს სტაბილიზაცია და სამუშაო ადგილების შექმნას შეუწყოს ხელი. საელჩო ითანამშრომლებს საქართველოს მთავრობასთან ამ მიმართულებებით, ველით, რომ ახალ მინისტრებთან კარგი თანამშრომლობა გვექნება“, - განაცხადა რიჩარდ ნორლანდმა.

ანო თორელი